Berjuta-juta Ringgit Duit Tunai Dipasukka Ngagai Akaun Rosmah – Bakan Ni Tu Tau Nyadi? EKSKLUSIF!

Bebelika barang enggau naka ulih – baka ni ‘Indu Menua’ Malaysia tau bulih duit simpan ti kelalu mayuh dalam akaun bank iya?

Bebelika barang enggau naka ulih – baka ni ‘Indu Menua’ Malaysia tau bulih duit simpan ti kelalu mayuh dalam akaun bank iya?

Sarawak Report udah diberi sebengkah penerang bekaul enggau sebuah akaun di Affin bank Bhd ti enggi bini Menteri Besai, Rosmah Mansor.

Penyampau duit ti kelalu mayuh nya udah dipasukka ngagai akaun dalam dua bulan ke terubah ba taun tu.

Nitihka isi surat penerang ti bisi kaul enggau entelah 1MDB, entara 10hb Februari enggau 23hb April, dia siku lelaki ti benama Roslan Bin Sohari udah ngusung sebuah premis bank di Kuala Lumpur ba penyuah lapan kali.

Lebuh iya ngelawa bank nya, iya nyimpan RM2,000,000 ke dalam akaun ti belumur 100020000058, ti ditentuka bala pemansik nyadika enggi “Rosmah Binti Mansor (Datin Sri)”.

Sarawak report bisi diberi siti salin surat pemindah duit nya lalu dipadahka, Roslan nya ngelawa bank seraya minching beg berisi duit tunai ngambika disimpan dalam bank nya.
Nitihka rekod (di baruh nya) pengawa nyimpan duit nya dikereja ‘pemantu’ ke orang ti megai akaun nya.

Lapan kali nyimpan penyampau nya manggai RM2 juta

Lapan kali nyimpan penyampau nya manggai RM2 juta

Baka ti ditemu sapa-sapa ti kala nyimpan duit ti mayuh, pemindah duit ti kelalu mayuh deka dikumbai nyelai, lalu pengawa nya deka megau sistem bank ti ngujungka mayuh jaku tanya deka dipansutka.

Kami nanya, nama kebuah ngelama tu pekara tu enda dikebegauka, semadi nyentuk ke maya 1MDB dipansik?

Sekali ke pemegai akaun nya dikumbai kelalu bekuasa ditegu? Orang nya, nitihka kertas pansik ti udah diterima Sarawak Report, nya Rosmah Mansor.

Rosmah Mansor nyadika pemegai akaun lalu Roslan Sohari dipaduka nganjung duit simpan ngagai bank

Rosmah Mansor nyadika pemegai akaun lalu Roslan Sohari dipaduka nganjung duit simpan ngagai bank

Sarawak Report ulih ngamatka akaun bank nya benung dipansik, laban akaun nya tau dikaitka enggau entelah bekaul enggau penyalah ngubah duit 1MDB.

Siku ari raban Pengarah dalam Affin bank nya Lodin Wok Kamaruddin, ti mega nyadika Pengerusi dalam 1MDB.

Baka ti kala dibacha dalam repot ke dulu agi ari Sarawak Report, dia bala pemansik udah mujur tetemuka duit ti datai ari kompeni mampang ari 1MDB, iya nya SRC International udah dipasukka ngagai akaun-akaun Menteri Besai empu nengah kompeni Gandingan Mentari S/B enggau kompeni Ihsan Perdana S/B.

Akaun bank enggi kompeni Ihsan Perdana S/B nya mega direjista dalam Affin Bank Bhd.

Surat-surat penerang pemindah duit – siti ari pemindah duit ti udah diterima ari Gandingan Mentari ke dalam Ihsan Perdana dalam Affin Bank, sebedau duit nya dipindahka ngagai akaun enggi Menteri Besai di AmBank

Surat-surat penerang pemindah duit – siti ari pemindah duit ti udah diterima ari Gandingan Mentari ke dalam Ihsan Perdana dalam Affin Bank, sebedau duit nya dipindahka ngagai akaun enggi Menteri Besai di AmBank

Kompeni SRC International udah ditiki raban pemansik ba minggu nyin kemari.

Sarawak Report udah nemu diatu, penyampau duit ti kelalu mayuh ti dikaitka enggau Rosmah nya dibantaika besenutuk enggau pansik ti dipejalaika, tang akaun tu disadang tau dikumbai nyadika pelasar pansik atas akaun bukai enggi Rosmah, ti udah bulih gela bini orang bepangkat tinggi ti rindu bebelika barang mar-mar ti tebilang di dunya tu kenyau ari beberapa taun tu udah.

Want to get alerts for new articles ? see our Subscribe page

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments