Doris Ditejuka Nadai Bemenua Asal Diri Agi Ulih Perintah Kukut Besi Malaysia!

Waran tangkap ke atas Doris!

Waran tangkap ke atas Doris!

Peranak menua Malaysia ti asal ari Sabah, Doris Jones, udah ditejuka tepagang di menua UK enda bepaspot lalu dikumbai nadai agi menua asal, ketegal ti udah dipecat kuasa-kuasa undang-undang menua asal iya empu.

Doris to udah bekereja ba pengelama beberapa taun di menua UK, udah minta ngemaruka paspot iya, ti deka abis timpuh dalam beberapa hari agi.

Nitihka atur selama iya udah diasuh datai ke London awakka ngambi paspot baru iya nya.

Tang, seninjik bendar iya puntan, baka ti diterangka iya ngagai Sarawak Report. Bala pemesai ti bekereja ba opis duta Malaysia di London udah mati-idup enggai ngeluarka paspot iya ti baru nya.

Doris udah dikangauka ngambi paspot baru iya – tang lebuh iya datai ba opis duta, peminta iya enda dikibuhka

Doris udah dikangauka ngambi paspot baru iya – tang lebuh iya datai ba opis duta, peminta iya enda dikibuhka

Kebuah Doris digaga baka nya laban iya dituduh “ngereja pengasar” munyi ku Menteri Dalam Menua, laban iya udah mansutka pengirau ati diri pasal salah guna kuasa nitihka undang-undang Sabah.

Ba penemu Doris, basa ngagai menua di Borneo lebuh ti baru dipegulaika suba sereta belabuh merintah diri lalu bedau dikamatka Perintah Besai Malaysia.

Nya alai Doris udah meranika diri nyebut dalam laman Facebook iya pasal Sabah bisi kuasa madahka sempekat ti udah ditanggam nya udah dilanggar lalu iya ngumbai menua iya nya dikemendarka magi diri ari serakup Malaysia lalu merintah diri empu.

Lalu ketegal pemerani iya nuliska penemu diri dalam Facebook ti dibacha bala bakih iya, randau sida sebuat udah nyima ati bala orang ti bekuasa di Malaysia, nyengkaum bala menteri.

Enggau nya kuasa penuh undang-undang Malaysia udah dikena mechat siku indu professional, ti tengan umur nya lalu semina bisi beberapa iku bakih Facebook endur iya mansutka anak buah penemu diri.

Kuasa penuh raban penerit undang-undang udah dikena ba atas Doris

Kuasa penuh raban penerit undang-undang udah dikena ba atas Doris

Siti waran tangkap udah dikeluarka dikena ngulihka Doris kenyau ari bulan Januari ari perintah Malaysia ketegal iya ti kena tuduh ‘ngerachun runding orang’ lalu raban polis Malaysia di Sabah udah nguji ngambi iya pulai laban deka becharaka iya ngena undang-undang.

Penanggul ti baka tu sama udah diasaika sekeda bala orang ti bukai ti endang kala meranika diri bejaku mantah rejim perintah ti semakin berubah nyadi sebuah entiti penegereja penyai lalu melakangka undang-undang menua sida empu.

Penulis blog tu mega udah diemba baka nya, ambi ke banding, lalu siku orang ti chakah bekimpin ngelaban penyalah makai suap, Khairuddin Abu Hassan ba minggu nyin emari udah ditutup dalam rumah jil, udah bekau tuduh asal dikena ngelaban iya udah ditulak bala akim kot, ngena undang-undang “ngelaban pengawa penyelawai” ti baru dikena nutup sebarang orang salah enggau enda ibuh dipecharaka.

Khairuddin udah sakit balat sekumbang ti kena tutup dalam jil lalu diatu benung berubat di sepital tang enda tau diasuh betemu enggau sapa-sapa kaban belayan ti deka betemu enggau iya.

Khairuddin udah sakit balat sekumbang ti kena tutup dalam jil lalu diatu benung berubat di sepital tang enda tau diasuh betemu enggau sapa-sapa kaban belayan ti deka betemu enggau iya.

Penyalah iya? – ngeripot penyalah makai subap ti dikereja dalam 1MDB ngagai raban penerit undang-undang entarabansa, ti endur bala menteri Malaysia ngumbai chara iya nya “sabotaj menua diri empu”.

Perintah Malaysia udah ngelepaska tanggungpengawa sida meri penerang ba tuduh sida ba undang-undang “pengawa kasar penyelawai” ti baru, ti endang patut dikena ba pengebom enggau orang ti deka ngeruga pengelantang mensia mayuh.

Nyerumba nya, di menua US, Menteri Besai Malaysia ti nyadika tuai semua tindak perintah nya, udah nyungkak jaku putap enggau bantah ari mayuh bengkah orang sepemanjai minggu tu, lalu ngumbai menua iya, Malaysia nya, menua “demokrasi ti chukup mansau”.

Tang mayuh agi orang deka pechaya ke iya endang deka merintah menua iya nya nyentuk ke pengujung dunya.

Bala peninga jaku Najib di US endang nemu pasal menua demokrasi ti mansau deka ngelala raban penyakal, pengawa orang ti begempuru sebelah jalai laban mantah atur perintah.

Enggai betundi – Najib Razak dirintaika nyadi siku agi tuai bediktator ti kamah lalu iya udah ngirit menua Malaysia sama enggau iya

Enggai betundi – Najib Razak dirintaika nyadi siku agi tuai bediktator ti kamah lalu iya udah ngirit menua Malaysia sama enggau iya

Menua bedemokrasi ti udah chukup mansau ngemendarka lalu nyadang ubah ti suah deka nyadi ba perintah sida.

Lalu iya ti besai agi reti, dalam demokrasi ti mansau, undang-undang menua enda tau dikeruga sepeneka ati bala tuai ti seruran ngembuan ulah enggau runding baka bos ke bala apek bayat.

Najib udah mechat semua orang ti udah mantah iya dikena iya ngulihka kuasa dictator iya.

Lalu rintai nama bala orang ti mantah iya udah dituduh tang enda dipecharaka nyau makin betambah panjai di menua sida empu, ti nyadika kelai ti ulih dipeda semua bansa di serata menua.

Dunya deka ngelala sapa tuai ti bediktator nyentuk ke maya sida meda iya.

Want to get alerts for new articles ? see our Subscribe page

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments