Sekali Ke Obama Deka Melakangka Tauka Nyukung Tikus Malaysia Ti Udah Tepekul?

Nadai siku pan orang deka berandau enggau siku lelaki ti udah ditemu ngelalaika duit RM2.6 billion dalam akaun iya empu

Nadai siku pan orang deka berandau enggau siku lelaki ti udah ditemu ngelalaika duit RM2.6 billion dalam akaun iya empu

Menteri Besai Malaysia diatu udah tama peti skandal makai suap iya empu, lalu media berita entarabansa diatu benung numpuka perati enggau berita sida ba iya.

Ba pun iya, direpotka US$700 juta udah ditarit pansut ari wang turu 1MDB ti dikuasa Najib, nengah dagangkunsi ke terubah enggau kompeni minyak ti enda tentu dikelala orang mayuh, PetroSaudi.

Duit nya udah dipindahka ngagai kompeni Good Star ti enggi penyanding penemu pengawa dagang ti mega nyadika bakih Najib, Jho Low. Lalu udah nya beratus juta dollar agi dipasukka ngagai kompeni bukai ti mega enggi Jho Low (nyengkaum dikena iya nebus bank UBG ari sida Taib sebilik), sebedau dagangkunsi nya dipadamka – semua duit puku nya ba penyampau US$1.83 billion, ti diatu benung dipinta Bank Negara dipulaika 1MDB ngagai menua Malaysia, laban ditemu udah ‘didagangka’.

Puang, semina tinggal keresik aja dalam akaun ‘Brazen Sky’ enggi 1MDB!

Puang, semina tinggal keresik aja dalam akaun ‘Brazen Sky’ enggi 1MDB!

Najib enggau 1MDB selalu ngetanka penemu sida ti madahka duit nya enda diambi tang ditan dalam wang turu Pulau Cayman lalu betambah untung … kelimpah ari tugung penerang ti udah nya disimpan dia tang ke bendar iya puang – semua nya udah ditusui sekeda gerempung media.

Udah nya bebillion-billion agi direpotka lenyau ari 1MDB udah bekau dagang ‘meli palan kuasa karan’, ti bekaul enggau US$6.5 billion ti udah diangkatka nengah sekeda siri bon dagang dalam wang turu Aabar enggau anak kompeni IPIC ari Abu Dhabi.

Akaun 1MDB ngeripotka sida udah mayar pulai US$1.4 billion ngagai Aabar laban dikena nyamin bon ti diangkatka nya … tang rekod IPIC empu nadai madahka sebarang bayar ti bisi masuk!

Berebak enggau nya sebengkah duit injau ti baru RM4 billion ari wang turu pinchin perintah KWAP, ti mega nyungkak jaku mayuh tanya, Opis Menteri Pekara Wang Malaysia udah mutuska duit injau nya diengkahka ba kompeni SRC ari 1MDB ke dalam bajet opis menteri nya empu. Nadai siku orang ti pandai ba pekara tu di endur semua duit nya diengkahka.

Sebengkah penerang madahka sepenyampau US$681 juta udah dipasukka ngagai akaun Menteri Besai Najib kejang pengawa bepilihbesai suba, ti dibayar ari bank Falcon enggi kompeni Aabar empu.

Bersih reti nya ‘meresi pengamah penyalah makai suap’

Bersih reti nya ‘meresi pengamah penyalah makai suap’

Ba pun nya Menteri Besai nya udah bebulaka penerang lalu ngemba orang deka nyaman kompeni media ari menua barat ketegal nusui berita nya, tang udah nya iya tepejal ngaku berita ti ditusui sida media nya betul memagang, tang udah nya madahka US$681 juta nya datai ari pemeri ari orang siku ti enda disebut nama, lalu RM42 juta agi bantu ke ‘tanggungpengawa sosial korporat – APU!

Nadai siti pan penanggul nya ditusui dalam media di dalam Malaysia empu, tang Menteri Besai Najib nemu, dalam era internet tu enggau pengawa 1MDB nya bekaul enggau duit entarabansa. Cherita nya ngerembai ke serata dunya lalu semua rayat Malaysia diatu udah nemu. Ba musim panan taun tu beratus ribu orang Malaysia udah nurun sereta ngemenuhka jalai alun laban deka nunjukka asai malu sida ba pengawa salah tuai sida nya.

Sekeda bala tuai dalam perintah udah ngetu ari pengawa laban ditemu bekaul enggau skandal 1MDB tu. Tang Najib siku aja ti mengkang dedugau dalam opis iya taja pan iya udah nadai agi pengarap ari orang mayuh. Iya takut lenyau kuasa ti ngelindung iya ari ukum undang-undang … lalu iya mega takut ke sekeda kes bunuh ti nyelai-nyelai ti disadang bisi bekaul enggau iya nya dikusaika.

Kartunis Zunar diukum jil setengah abad ketegal ngasilka karikatur baka tu

Kartunis Zunar diukum jil setengah abad ketegal ngasilka karikatur baka tu

Beduduk ari nya, baka siku tikus ti udah tepekul di teluk dinding, Najib ti ngumbai diri penyungkak reformasyen ubah tu udah ngena chara ngemba, nyuap, buli sereta nutup mulut sapa-sapa orang ti meranika diri deka ngemetulka iya. Najib, bini iya enggau sekeda bala menteri ti rat kaul enggau iya diatu udah ngayanka taring enggau kukut sida ba sapa-sapa ti berani deka bejaku pasal utai ti nyadi diatu.

Bala orang ti diemba sida tu nya bala penunjuk bantah, orang ti sama kala besekula enggau iya, orang ti bekereja perintah, bala lawyer, bala pengelicha, pengarang berita, pelukis kartun, Menteri Besai ke dulu suba enggau anak lelaki beumur 15 taun ke siku kaban parti penyakal, nyengkaum siku orang politik penyakal ti enda ulih dialahka iya ba bepilihbesai nyin kemari.

Enti sema Najib bisi chara dikena iya ngejil sapa-sapa orang ti ngereja ‘penyalah’ (deka ngemetulka penyalah iya), lalu pengelepas di Malaysia deka dikena nyelamatka siku PM tikus ti udah tepekul.

Berebak enggau nya, raban orang ti bependiau kasar enggau sida ti udu ngemesaika bansa diri Melayu Islam endang diberi agih belanja ari opis Najib.

Pejalai atur pengawa NGO Baju Mirah udah nambahka penyai lebuh perintah becharaka bala munsuh Najib. Raban Baju Mirah tu diupah dikena nambahka penyai ulah bebidaka bansa enggau jalai pengarap.

Frank White numbuhka kompeni DuSable sebedau kontrak 1MDB ba taun 2013 ti udah nya mujur ngambi US$505,000 dikena nyadi penyanding penemu ke projek kuasa karan solar

Frank White numbuhka kompeni DuSable sebedau kontrak 1MDB ba taun 2013 ti udah nya mujur ngambi US$505,000 dikena nyadi penyanding penemu ke projek kuasa karan solar

Utai ti dipeda manah ba Najib, siku ‘tuai menua Islam ti bepenuh jelan’ enggau bakih bakih bemain gof iya ari Hawaii, Presiden Obama ti deka datai hari Lima tu?

Presiden US nya ti enda malu taja pan iya nemu diri empu nya enggau Parti Democrat iya nya udah kena parit penanggul makai suap dalam 1MDB, nengah Frank White.

Minggu nyin kemari sebengkah jaku tanya pansut lalu mantaika pasal kompeni DuSable enggi White udah mujur bulih untung US$69 juta ke wang turu Yurus ari pengawa nyual sher sida ti dalam dagangkunsi ti bekaul enggau 1MDB – siti pengawa dagangkunsi ti lalu bedau nyengendaka pengawa ti udah diperambu.

Sekeda rekod bisi nunjukka Frank White udah diupah dikena ngulihka sukung Perintah US ke projek kuasa karan solar di Kedah nya. Tang nama kebuah?

Sekali ke iya deka nutup mata iya ba pengamat pasal siku tuai menua ti udah menang mayuh agi undi ba bepilihbesai Malaysia, diatu nya benung ditutup dalam rumah jil ketegal ti dituduh beleman sama lelaki?

Tauka, sekali ke Obama deka mansutka jaku gerah madahka pasal penyalah Najib ba mua tuai-tuai menua ari serata dunya maya baum nya ila. Presiden nya patut nangkan Najib ngambika ngenuluka menua diri empu.

Want to get alerts for new articles ? see our Subscribe page

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments