Najib Ngerunding Deka Nyurutka Diri TANG Iya Minta Nyurutka Diri Enggau Likun LALU ENGGAU SEMUA Duit Ti Udah Dichuri Iya!

Ulih enda kini Najib ngelepaska diri ari amba peti’ undang-undang menua iya empu?

Ulih enda kini Najib ngelepaska diri ari amba peti’ undang-undang menua iya empu?

Lawyer Bansa ti baru Mohd Apandi engka ngarapka diri manah agi enti suba iya enda nerima tanggungpengawa iya ke diatu nya.

Bakih iya ti dulu ari iya ti udah dibuai ari pengawa ulih Menteri Besai Najib ba bulai Julai taun nyin kemari ketegal ti deka bejalaika dawa ba Najib ketegal pengelenyau berbillion-billion ringgit ari wang turu orang penchen KWAP ti udah nya dipasukka ngagai akaun Najib.

Diatu raban ari opis (Pemunas Penyalah Makai Suap Malaysia) SPRM udah nembuka pansik sida lalu ngengkahka keretas tuduh sida ba atas mija Lawyer Bansa Apandi ti ngundan enda kurang ari 37 tuduh penyalah ba Najib, berindik ba penerang ti sama.

Tambah mega Apandi diatu udah ngelala semua penerang tu udah disadung lalu ditemu bala tuai-tuai dalam UMNO ti ngasaika pemar ngelalaika pengawa salah Najib nya.

Dalam bulan November nyin kemari Lawyer Bansa tu udah mansutka sebengkah penerang bula bekaul enggau kes nabanka lalu munuh Kevin Morais, ti udah dipaduka nyadi penawa ti nulis keretas tuduh ke opis SPRM. Apandi madahka Kevin nadai mangku sebarang pengawa dalam pansik ba Najib.

Kevin Morais udah parai dibunuh

Kevin Morais udah parai dibunuh

Tang diatu mayuh orang udah nemu Kevin nya nyadi penawa ke kes nya lalu iya disadang nyadika orang ti udah niriska keretas tuduh ti dituliska iya empu dikena nawa Najib ngagai portal berita tu.

Sebedau iya kena tabanka (lalu enggau lalu ari Sarawak Report) Kevin mega bisi ngirumka isi laptop iya ti bekual enggau pansik nya ngaga sekeda orang ti ulih dikarapka iya – semua nya nganti sekali ke raban penerit undang-undang Malaysia deka bejalaika pengawa sida tauka sida nya deka mansutka penerang nya kediri-kediri.

Pengawa nya udah mar ba Apandi lalu raban SB mega endang udah ditemu ngetanka sereta ngemba bala sida Kevin sebilik ba pengawa sida ti deka ngambi pulai semua dokumen nya.

Udah bekau raban penerit undang-undang ngerampas laptop Kevin ari rumah iya sekumbang iya ti dilalai, sida mega nemu pemayuh penerang ti udah dikeluarka iya sebedau iya kena tangkap lalu udah nya dibunuh. Iya mega sempat meri penerang iya nya ngagai Sarawak Report. Penerang iya nya nyengkaum leka jaku raban orang ti bekereja ba perintah ti deka nirika pengelurus dalam pengawa enggau opis sida.

Pemindah duit keterubah

Pemindah duit keterubah

Pemindah duit kali ke-2

Pemindah duit kali ke-2

Kenu ku Najib semua duit orang mayuh nya ukai dikena ke guna iya empu. Tang bala sekeda orang ti nengkilaka sekeda resit bank madahka Sarawak Report sekeda ari barang ti dibeli nya berega mar-mar lebuh penemuai sida Najib sebilik ke menua tasik.

Pun penatai duit ti pemadu mayuh nya nyadika kes ti tau nganu – duit ari wang turu orang penchen, ti udah dikena sida Najib sebilik raun sereta bebelika barang di menua tasik.

Tang enda mukai-mukai sekeda penerang ti tebantai diatu nya udah mar bendar dilalaika Najib enggau bala bakih iya laban tuduh penyalah makai suap ba iya nya bekaul enggau duit ti mayuh bendar lalu bisi bekaul enggau sekeda bank di menua tasik, ti endur raban FBI enggau raban penerit undang-undang menua tasik diatu nya benung dipansik.

Najib enggau bini iya Rosmah Mansor ngelempaika penanggul seduai ba pengarap seduai dalam bulan Disember tu tadi. Rosmah disadang ngembuan pengarap ba penemu petang dikena iya ngulihka pengaya.

Najib enggau bini iya Rosmah Mansor ngelempaika penanggul seduai ba pengarap seduai dalam bulan Disember tu tadi. Rosmah disadang ngembuan pengarap ba penemu petang dikena iya ngulihka pengaya.

Ke bendar nya, ba Apandi ti udah taluk bendar ke Najib, penanggul belabuh nuntung iya lebuh keretas tuduh ari opis SPRM diatu udah diengkahka ba atas mija iya sebedau musim Krismas nyin kemari, nganti pechara dalam kot dipejalaika.

Nyadika penulu ba semua 37 iti tuduh ti bisi bekaul enggau SRC International bisi isu bekaul enggau pemasuk duit ari mayuh bengkah pun penatai ti nyelai-nyelai ari menua tasik ke dalam sekeda akaun Najib dalam AmBank.

Pindah masuk duit ti mayuh bendar RM2.6 billion

Pindah masuk duit ti mayuh bendar RM2.6 billion

Sarawak Report udah nusui baka ni duit nya disimpan dalam akaun Najib nengah bank Falcon enggi Aabar ari menua Aabar Dhabi udah bekau dua tiga Goldman Sachs ngerundingka atur ngeluarka bon US$3 billion dikena melanja dagangkunsi entara 1MDB enggau Aabar.

Sekeda rekod bisi nunjukka mayuh duit dalam pengawa ngeluarka dagang bon entara duah buah kompeni tu udah lenyau lalu Pengerusi kompeni Aabar udah dibuai ari pengawa iya udah bekau skandal 1MDB dikusaika ba taun nyin kemari.

Pekara ti ditemu bala kaban bepenuduk tinggi dalam parti UMNO nya RM2.6 billion ti dipindah masuk ba bulan Mac 2013 nya semina sebagi ari semua duit ti dipasukka ngagai akaun bank AmBank Najib kenyau ari 2011.

Cherita pasal pemeri ti gerah jari ari menua Arab ti enda disebut nama nya lalu bedau padam – lebih agi lebuh duit ti ngemayuh nya enda dipasukka ngagai akaun parti nya empu!

Cherita pasal pemeri ti gerah jari ari menua Arab ti enda disebut nama nya lalu bedau padam – lebih agi lebuh duit ti ngemayuh nya enda dipasukka ngagai akaun parti nya empu!

Baka ti udah ditusui Sarawak Report, bisi enda kurang ari dua set pemasuk bayar ti ba penyampau bebillion-billion ringgit.

Mayuh agi ari duit ti kenu ku Najib dikena melanja kempen maya bepilihbesai mantu UMNO menang, enda kala dipelanja.

Mayuh agi ari laluh nya dipulaika ngagai akaun Najib ke dalam bank di menua Singapura sepenembu pengawa bepilih lalu akaun iya di KL udah ditutup.

Penerang ti baka tu udah ditemu bala kaban dalam parti UMNO lalu ulih ngelemika dalih Najib ti seruran madahka duit nya diberi siku orang ti gerah jari ari menua Timur Tengah, ti kenu ku iya rindu mantu sebarang orang politik menua bukai awakka menang ba pengawa bepilih.

Pemeri ke pengawa politik ti datai ari menua tasik ukai semina salah ba undang-undang enggau sekeda jalai pengarap, tang duit nya udah dipasukka ngagai akaun Najib, ti endur mayuh ari akaun iya di Singapura nya udah digantung ketegal dipansik.

Bala kaban UMNO diatu udah bulih mayuh penerang munyi ti ditusui ngagai pengarang berita ba Sarawak Report – lalu sida nya udah nyida.

Kebuah pia laban skandal tu udah kena lamun penyerakup kaban dalam UMNO, lalu telai entara bala kaban udah tekusai ba mayuh endur ba semanjai maya kemisi panjai ujung taun nyin kemari.

Bisi kebuah ti bukai ti agi ngetanka Najib ba kuasa iya. Sekeda bala kaban UMNO engka deka bendar ngasuh iya nyurutka diri, tang sida agi betalatka dua iku sapit ti patut nganti iya ila. Zahid terang bendar didinga madahka diri patut nyadi Menteri Besai. Tang bala kaban ti bukai dalam parti madahka Zahid dipaduka Najib nukar Muhyiddin dikena meri tindak balas ba skandal makai suap 1MDB. Muhyiddin diatu udah dibuai ari pengawa perintah iya.

Undang-undang dalam parti UMNO empu madahka bala kaban parti patut milih sapa ti patut nyadi tuai sida, ti endur Muhyiddin endang patut nganti penuduk Najib, lalu ukai Zahid. Nya alai diatu jaku talat ukai ba sekali ke Najib nya nyurutka diri, tang sapa ti patut nganti penuduk iya.

Najib nemu iya udah putus pengarap dikena iya bepaut ba kuasa iya enti sema iya agi deka minta pilih. Penanggul tu ditambahka agi enggau pengusut belanja menua kelimpah ari penyalah besai ti dikereja iya.

RPK majak nulis pasal kutuk enggau bantah iya ngagai sekeda orang ti ngelemika Rosmah

RPK majak nulis pasal kutuk enggau bantah iya ngagai sekeda orang ti ngelemika Rosmah

Sekeda orang ti kering dalam UMNO udah puntan berunding enggau Rosmah pasal penanggul tu lalu sida nya udah napi jaku bantah enggau kutuk ari blogger ‘RPK’ ti benung ngenduh di menua UK.

Diatu Najib udah tetemuka jalai puntul ba pengawa iya begigaka sebarang menua atsik ti deka nerima iya enggau sida sebilik ngenduh. Menua Turki udah enggai endur iya lalu menua bukai di Timur Tengah pan agi puntan nyaut surat peminta iya nya.

Baka nya mega menua bala isan enggau menantu iya, Kazakhstan, ukai menua ti dikerinduka Rosmah. Bala isan iya seruran ngeluluka diri idup kaya raja taja pan sida nya semina orang politik selama.

Sekumbang ti nganti bajet 2016 dipejuraika baru (sebengkah kelai ti jai nyadi ba ekenomi menua Malaysia) sebengkah kenyit deka nyadi. Lebuh penanggul nya nyadi, ubah enggau penanggul bukai tentu deka nyadi enggau betangkan-tangkan.

Nama utai ti deka nyadi ba Najib udah tu ila tentu deka nyadika sadang enggau jangka orang mayuh enggau bala pemeri penerang ke Sarawak Report.

Want to get alerts for new articles ? see our Subscribe page

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments