Kompeni Penyual Senyata Enggi Ketua Polis Negara Khalid Di KL!

Siku indu nya ulih madahka kami pasal sepuchuk senapang bebansa Glock, ku siku pembantu kedai ba kedai Nilai Arms & Ammunitions (NAA) minggu nyin kemari.

Kedai kompeni di KL nya ngayanka bemacham-macham senyata api bebisa, lalu kami madahka diri deka ngiga sebansa senyata ti rumpas sereta engkeman dikena ‘jejaga’ kami.

NAA nyual mayuh macham senyata ukai semina dikena nyaga pengelikun tang mega dikena bala pengasu jelu siga enggau mega ke dikena raban apek bayat.

Senyata api ti tau munuh – pilih mih ni bagi dikedekaka kita

Senyata api ti tau munuh – pilih mih ni bagi dikedekaka kita

Nitihka munyi nama kompeni nya, Nilai Arms & Ammunitions endang bejualka bemacham-macham seterum tauka peluru.

Seterum senapang patah!

Seterum senapang patah!

Di menua Malaysia, atur ngulihka senyata api endang terit bendar. Laman web NAA nerangka chara minta senyata api, orang nya patut ngulihka pemendar ari Kepala Polis Pelilih Menua, nyentuk ke ngagai Ketua Polis Negara (IGP) empu.

Salin jaku ari Google Translate ti dikaitka ngagai laman web NAA nya http://www.rmp.gov.my/pelesenan-senjata-api/pengenalan

Salin jaku ari Google Translate ti dikaitka ngagai laman web NAA nya http://www.rmp.gov.my/pelesenan-senjata-api/pengenalan

Tang, sekeda orang ti udah berasai takut udah madahka ngagai Sarawak Report, laban munyi ku sida, enti sapa-sapa deka meli senyata lalu ngena pemendar ti enda mayuh leman, sida tau meli terus ari kedai kompeni NAA nya.

Baka ni?

Sarawak Report udah mujur mansik sekeda rekod kompeni NAA di KL. Mayuh agi ari semua saham dalam kompeni nya dipegai siku indu ti ada dalam taun 1984.

Juwiza Binti Khalid nya anak indu lumur dua IGP Khalid Abu Bakar.

Anak indu IGP Khalid megai mayuh agi saham dalam NAA, ti ditumbuhka dalam taun 2012, sebedau Khalid di[aduka nyadi Kepala Polis Menua

Anak indu IGP Khalid megai mayuh agi saham dalam NAA, ti ditumbuhka dalam taun 2012, sebedau Khalid di[aduka nyadi Kepala Polis Menua

Bala pemesai perintah di Malaysia endang mayuh ditemu bechampurka batang pengawa sida enggau pengawa nyambil, tang tu ngasuh orang mayuh tekenyit!

IGP Khalid nya diberi perintah tanggungpengawa ngintu undang-undang dalam menua Malaysia, lalu nguasa semua atur ngeluarka permit enggau lisin senyata api, ke bendar iya bisi ngembuan sebuah kompeni bejualka senyata api.

Opis iya di KL

Opis iya di KL

IGP Khalid bekereja ngasu bala orang ti jai lalu lebuh jauh lemai iya deka duduk lalu ngemendarka sekeda permit meli senyata api ba rega ti tinggi (ti dijual ari kedai iya).

Khalid ulih nyadi kaya enti sesebengkah kandang menua nya majak regu, lalu bala bakih iya ti udah pinchin tentu gaga bendar ati enti sida ulih ngelanjarka timpuh sida bekereja nyadi jejaga orang ti begunaka sida.

Tang baka ni sida ti enda ulih ngupah bala jejaga, lalu sapa ti deka ngupah sida dikena ngaji IGP enggau bala orang iya?

Nya kebuah bala orang ti bekereja ba perintah patut nyeliahka diri ari ti bebalutka batang pengawa enggau pengawa nyambil sida, sekali ke sida empu bisi mangku pengawa besai dalam dagang sida tauka ngengkahka bala anak bini sida dalam kompeni sida.

Orang ti kedua megai saham dalam NAA nya siku tuai kampung ari pelilih menua ti endur Khalid ada menya, sama rebak umur enggau Khalid empu!

Orang ti kedua megai saham dalam NAA nya siku tuai kampung ari pelilih menua ti endur Khalid ada menya, sama rebak umur enggau Khalid empu!

Haji Mohd Isa bin Husin nya siku pemegai saham kelimpah ari anak indu IGP Khalid empu.

Mohd Isa nya nyadika tuai ba Kampung Gebok, di pelilih menua Mantin di Negeri Sembilan, sama begenturung di Nilai.

Ari seduai ti sama rebak umur, orang tentu ulih nyangka seduai nya kala belajar ba sekula ti sama lalu bisi pengerindu ngasu beburu!

[dikemaskini – SR dipadahka kaul seduai tu rapit bendar. Tuai Kampung Haji Mohd Isa Husin nya ipar Khalid Abu Bakar!]

IGP Khalid Abu Bakar udah dipaduka mangku pengawa iya ba bulan Mei 2013, iya nya setaun udah bekau iya numbuhka kompeni NAA iya nya, ti udu bekontrovesi, laban iya mega bedawaka sekeda pejuang hak pengelantang mensia, senutuk enggau atur perintah ti udu ngelindung Menteri Besai bekaul enggau mayuh macham skandal diatu.

Enda ragu-ragu agi

Enda ragu-ragu agi

Diatu IGP Khaldai numbuhka raban pematau Tweeter ari bala polis ngambika matai bala penguna tweeter di menua Malaysia.

Khalid mega kala dibantah orang ketegal nyukung siku polis ti udah nimbak mati siku enembiak 15 taun ngena 21 igi seterum.

IGP Khalid diatu nyadika siku ari raban orang bepangkat tinggi di Malaysia ti sama enggau AG Apandi Ali laban ngelindung Najib Razak ti majak kena lamun penerang bekaul enggau skandal 1MDB.

Nama peluang patut diambi ba pengawa dagang sambil enggi Khalid Abu Bakar nya?

Want to get alerts for new articles ? see our Subscribe page

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments