Menteri Pekara Luar Menua Arab Ngubah (Mimit) Penuduk Iya

Ba bulan Februari taun tu tadi Menteri Pekara Luar menua Arab Saudi, Adel Al-Jubeir, udah madahka duit ti diterima Najib Razak ke dalam akaun bank iya ukai duit pemeri ke pekara politik, tang iya dipadahka duit nya nyadika “puku dagang” ari sekeda kompeni di menua Arab Saudi.

Pekara tu udah nambahka penanggul ke Najib bekaul enggau cherita ti enda tembu-tembu pasal raban raja menua Arab diri sebilik ti udah gerah jari meri duit bebillion-billion dollar.

Nama guna duit ke puku dagang ngemayuh nya, ku jaku tanya orang mayuh. Ke bendar nya, pengkritik tegar, Dr Mahathir meri pelasar jaku iya ba penerang bebula jaku tuduh orang pengabis baru kemari.

Orang mayuh di Malaysia sehari tu udah dipandang video berita ti ditempa, ti endur raban orang ti ke-tiga endang betanggungpengawa nguji ‘ngelepaska’ Najib.

Ke sekali tu Menteri Luar Arab ti sama nya bisi dipeda sereta didinga mansutka penerang ti kabur ba mua bala pengarang berita Bernama, ti seninjik bendar mega disempulang raban kru kamera New Straits Times. Menteri Luar Malaysia, Anifah Aman, mega bisi dipeda kelang-kelut bejala di belakang Al-Jubeir lebuh maya nya.

Lebuh ditanya sekali agi pasal pun penatai ‘duit pemeri’ bala pengarang berita suratkhabar UMNO, iya madahka diri ‘nemu pasal pekara nya’.

Enggau nya iya udah ngeluarka jaku penerang ti ditagaka dikena iya nutup asai malu iya ke penyaru penerang ti madahka duit satu billion dollar nya dipelabaka duit pemeri.

Raban penerita undang-undang Malaysia diatu udah ngasuh iya ngelala ti madahka Najib udah nerima duit pemeri tu lalu selampur pekara tu udah dipansik Lawyer Bansa ti baru, tang iya nadai tetemuka sebarang pengawa salah!

Enggau nya iya berasai gaga ke nadai sebarang pekara nyelai nyadi ba iya empu.

Pekara ti enda disebut menteri Arab Saudi nya

Kami dipadahka pasal menua luar ti masuk champur pasal pekara nya. Menteri dari Arab Saudi nadai ngenang sebarang utai agi, laban nadai mayuh ditemu iya.

‘Penemu’ iya datai ari pun berita Malaysia empu.

Iya mega nadai nyebut sapa orang ti gerah bendar jari ngemasukka duit pemeri ngemayuh nya, sekali ke datai ari menua Arab tauka ukai.

Pekara ti patut disebut Adel Al-Jubier nya madahka pemeri duit ngemayuh nya ari 1MDB tauka Donald Trump – satu billion dollar, nya aja. Penerang ti ditemu iya nya enda silik laban iya endang enda kiruh ke pekara nya.

Tang penanggul nya baka cherita kelulu ti ngirit orang baka Sirul, Lester enggau Selvi. Engka Menteri Luar menua Arab deka berasai tusah ati enti pun enggau ujung cherita pasal pengelenyau duit nya ketegal dikachau orang luar deka diterangka nyadi pekara ti ngenyarutka orang mayuh.

Want to get alerts for new articles ? see our Subscribe page

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments