Ba sapa-sapa orang ti kala udah angkat ngelaban pemingkuk, tindak sida nya udah ngubah pengasai ati di menua Sarawak, ba singkang ti semakin hari semakin jampat.
Pemerani enggau pengeran ati orang mayuh diatu udah mupuk-mupuk ngelenyapka cherita lama bekaul enggau pengerusak rampa menua ti nyadi bepuluh-puluh taun ti udah.
Dulu suba Taib enggau raban BN iya suah begendangka semaya bula dikena ngulihka ati orang asal ngambika sida besetuju nanggam sempekat ti udah nya ngujungka sida lenyau tanah pesaka enggau pengidup sida, lalu raban Taib enggau BN nya deka ngemedis sapa-sapa ti deka nagang pengingin ati jai sida.
Enti kita udah kala nirika empang jalai, kita deka ditangkap lalu dikurung dalam rumah pasung lalu ditekanka ‘ngasut’ nitihka undang-undang ISA.

Tang, diatu tekan nyau majak balat agi laban kampong endur ngulihka kayu batang lalu udah nya dikena muka kebun dandang besai nyau makin kurang lalu udah nya ngujungka Taib enggau sida sebilik enggau bala kroni sida nyau berampaska tanah enggi bala orang bansa asal.
Pia mega, pemula raban BN diatu nyau enda bisa agi dibandingka enggau dulu suba. Sapa agi ti deka arapka kompeni-kompeni enggau orang politik BN (ti enggau chara belalai bisi bempu share ti mayuh) lebuh sida besemaya ngagai orang asal, enti sida deka nyerahka tanah temuda sida, sida deka tekala nya nyadi kaya raja?
Taib mega ngaku iya deka mai ‘pemansang’ ke menua Sarawak, tang pemansang tu meh ti udah nyadika tuai ti rangka baka iya nya nyau berasai takut. Pemansang tu meh udah ngusaika penyalah Taib, laban mata enggau pending mensia mayuh di menua Sarawak diatu nyau udah majak tebuka ulih radio enggau telefon enggau kamera enggau komputer lalu mega enggau internet!

Kepala Menteri nya udah enda ulih ngelalaika penyalah iya ari orang di menua pesisir. Enti iya ditemu menyati bala rakyat iya, tekala nya teknologi baru deka dikena ngirumka jaku pesan ngagai menua luar dikena ngulihka bantu. Semua kelai enggau tanda tu udah nunjukka pengawa ngelaban pemansang Taib nyau deka datai ba pengujung iya. Tu meh kebuah iya sokong datai ari mayuh menua di serata Sarawak mantu bala orang di Kampung Danao di Melikin.

Lima iku ari bala orang nya, dua iku udah nyau tuai umur enggau siku Tuai Rumah ari raban orang di menua nya ti udah ditangkap lalu dipasukka ngagai rumah pasung laban dikumbai kompeni-kompeni kayu batang udah nunu perengka sida lalu ngemedis bala pengereja pengawa sida. Ke bendar bala orang nya ditangkap laban udah berupai bendar angkat ngelaban pengawa kompeni-kompeni nya ti ngerampas tanah ari sukung perintah BN.
Tang, bala orang asal diatu nyau ngemeranika diri. 500 iku bala orang bukai udah ngenataika diri ba opis polis udah bekau sida 5 nya ditangkap suba lalu udah bekau lawyer pengintu pengelantang mensia ti mega pengari rakyat ari penyakal See Chee How ti datai ari Kuching laban ngarika sida lalu ngelepaska sida enggau nadai didawa.
Rakyat nyau udah semakin teleba angkat ngelaban laban deka nirika hak sida empu lalu raban polis mega patut ngelala utai ti benung nyadi ngelingi sida, reti nya sida ukai semina patut nitihka asuh ari kompeni kayu batang, tang sida mega patut nyaga bala orang di menua nya ngena undang-undang.
Raban penyukung entarabansa

Lalu bala orang di menua Sarawak patut ingat, sida enda angkat ngelaban ngatika diri lebuh ngenanka pengerusak rampa menua baka ti suah dikereja Taib enggau sida sebilik ti rangka. Miranda Gibson udah diau ba puchuk kayu di menua Tasmania dikena iya ngayanka bantah iya ngelaban kompeni kayu batang Ta Ann (enggi petunggal lalu pia mega proksi ke Taib Mahmud, Hamed Sepawi), sebengkah kompeni ti betebangka kayu kampong di Tasmania taja pan kampong di menua nya udah ditaga nyadika kampong galau.
Kala ninga?

Pengawa makai suap ti lama udah nyadi lalu ngamahka menua Sarawak diatu nyau dibai bebalut enggau dagang di menua Tasmania, lalu disukung bala menteri di Tasmania ti madahka semua perengka ari asil kayu nya ‘eco-wood’ ti datai ari kayu batang ari kampong galau.
Bala menteri Tasmania udah diasuh bula madahka kayu batang nya ‘kayu puda’ magang. Tang sida udah nyeliahka pemendar ‘kayu puda’ nya udah ditebang ari kampong galau ti tuai bendar di menua nya.
Kayu ‘puda’ nya udah dipilih Ta Ann lalu menua ti bukai nya udah ditunu ti endur repik kayu ari kampong tuai udah dibasau baka nya aja, ti ngujungka pengerusak ke pendiau jelu babas enggau utai tumbuh ti bukai.
Enggau nya, Tasmania mega diatu belajar ari pemula ti dikereja kompeni kayu batang lalu sida nya enda ulih dikarapka agi.

Tama meh ke dalam blog enggi Miranda lalu ingat meh ke orang di menua Sarawak enda angkat ngelaban ngatika diri. Bala penyukung sida semakin nambah di serata dunya tu, ti endur sida nyau majak nemu reti pasal ulah Taib ba rakyat iya empu di Borneo.