Bisi salah sangka ba sekeda orang menua barat ti tebilang pasal nama kebuah rampa kampung menua tropika majak ditebang, ti endur bala sida ti udah ngerusak rampa kampung nya rauh-rauh madahjka diri deka nyaga pemanah rampa kampung.

Bala temuai ari menua barat tu ngumbai pengerusak rampa kampung nya majak nekan pengidup orang bansa asal, ti majak lenyau endur diau lalu sida begunaka kampung nya ditebang ngambika bisi peluang bekereja.

Tambah mega, mudah agi madahka ngagai orang bansa asal ti ‘bingking’ le;impah ari ti ngaku madahka pengerusak rampa kampung nya dikereja bala orang politik enggau institusyen ari menua tasik ti rangka.
Penyelai iya, orang bansa asal ti deka NGETANKA rampa kampung sida empu.

Orang bansa asal begigaka pengidup ARI rampa kampung lalu tubuh sida ti mimit nya disadang ulih ditanka lalu dikemansangka bala tukang tumbang ti semina bekereja mimit-mimit tang ulih ngasuh pengidup sida lantang agi.
Utai tu nyadi laban penyampau sida enda mayuh lalu sida nyau udah diau di luar rampa kampung asal sida empu.
Tang tu meh ti dikumbai Presiden Obama ba bulan nyin kemari lebuh iya nyaut tanya bekaul enggau chara ngemaduka pengawa nebang kayu di menua Malaysia.

Tang, Tuan Obama enggau bala orang ti sebaka enggau iya patut mereti ke raban orang bansa asal endang begigaka pengidup ke sida empu dikena sida ngetanka rampa kampung sida lalu ukai betebangka kampung diri.

Tu ditemu lebuh rampa kampung udah abis ditebang nya baru orang bansa asal nemu diri kena tekan lalu belabuh ngiga chara neruska pengidup sida.

Bala orang ti dekaka pengawa ngulihka kayu batang nya ukai bala orang bansa asal, tang bala orang politik ti rangka enggau orang dagang entarabansa (nyengkaum sekeda nya ari menua Amerika empu) ti disukung orang politik di menua nya empu ti udu korup.

Bala orang dagang ti datai ari menua bukai nya dipelanja bank menua barat ti ngeluluka diri enda nemu nama utai ti benung nyadi.

Bala orang bansa asal nadai bulih sebarang penguntung lalu semina mimit aja peluang bekereja ulih sida lalu peluang sida bekereja pan mimit bendar.
Menua Sarawak rindu agi ngambi orang bekereja ari menua Indonesia ti nudah chukup mayuh tubuh di menua sida empu.

Mayuh agi pengereja pengawa ti datai ari menua bukai nya mai penanggul nagagai raban bansa asal, nyengkaum bepasungka orang indu enggau nembiak mit.

Bisi gerempung pengasih di UK ngembuan tuju nemuai sereta meri “tangkan enggau lalau” ke orang bansa asal di Sarawak ngambika ngalau pemanah rampa kampung sida empu. Balat bendar enda mereti sereta enda ibuh bala orang luar nya!

Gerempung-gerempung pengasih tu patut nangkan diri empu awakka sida ngelala lalu ukai nangkan orang bansa asal ti lemi, ti endang lama udah ngetanka rampa kampung diri empu.

Tang sida patut meranika diri nangkan bala orang politik ti kaya sereta bekuasa lalu mega bala orang dagang enggau bank – nyengkaum orang ti sebaka enggau Tuan Obama!