Raban SPRM udah bulih penerang ari sebuah pemeri penerang pasal RM2.6 billion ti disimpan ke dalam akaun Menteri Besai Najib Razak.
Tang komiti nya madahka sida enda tau mansutka penerang diri orang ti nyimpan duit pemeri RM2.6 billion nya, ti kenu ku sida nya datai ari menua Timur Tengah.
“Sida SPRM udah bulih penerang pasal pemeri duit nya ari dokumen-dokumen bank lalu sida tetemuka empat pucuk surat ti dianjung ngagai bank nya lebuh duit ti ngemayuh nya dipasukka ngagai akaun Menteri Besai.
“Dalam surat penerang nya bisi nyebut pasal RM2.6 billion ti nyadika pemeri,” nitihka jaku penerang dalam surat nya.
Komiti nya madahka sida deka nanya menteri besai empu awakka bisi ningaka cherita ti bendar ari iya empu.
Penerang ti enda disain sapa-sapa pemesai. Pengarah SPRM Abu Kassim Mohamed diatu benung kemisi lalu sapit iya Mohd Shukri Abdull diatu benung di menua tasik.
Penerang ari SPRM sehari tu nya nyukung video ti ditiriska ti endur sapit menteri besai ti dulu suba iya nya Muhyiddin Yassin madahka Najib endang ngaku bisi nerima duit RM2.6 billion ari siku orang ari menua Timur Tengah.
Naka ke diatu, najib bedau bebula penerang iya nerima duit ngemayuh nya, tang iya semina nyebut iya enda kala ngena duit nya nengali.
Kemari bala pemesai ti enda dikelala sereta naai betuaika sapa-sapa ari SPRM udah mansutka jaku madahka RM2.6 billion nya ukai sebagi ari pansik sida.
Tang beberapa jam udah nya bala pemesai ari SPRM nya madahka sida udah ulih “meresi” nama Menteri Besai bekaul enggau duit RM2.6 billion nya.
Nyerumb nya beberapa iku ari bakih bala pemesai SPRM , ti kena tuduh nya udah diasuh mansik, sida iya kena tangkap, ditanya raban polis – kena tuduh ketegal niriska sebuah surat ti ba pun nya dikumbai pelesu.
Surat penerang nya udah dituliska Opis Lwayer Bansa – iya nya surat penuduh dikena nawa Menteri Besai Najib Razak.
Surat penuduh nya endang nadai bekaul enggau RM2.6 billion ti nyelai penatai nya.
Surat penuduh nya pasal utai bukai, lalu siti ari jaku tuduh dia bekaul enggau pansik SPRM ba sepenyampau duit ari kompeni SRC International dipelanja ngena duit menua ti dipasukka ngagai akaun Menteri Besai – iya nya bayar sepenyampau RM27 juta ba bulan Disember taun nyin kemari.
Kami minta opis SPRM mansutka peneraang pasal asil pansik sida ba SRC International, kelimpah ari ti nguji limping lalu nerangka pasal RM2.6 billion ti baru kena sebut enggau enda mukai-mukai, lalu kami minta sida SPRM nya ngayanka konsistensi sida dalam pekara tu.
(Kami nemu jam tu suntuk bendar, diatu raban polis udah nyerungkai opis SPRM lalu betanya ba bala pemesai bekaul enggau surat penuduh ti ditiriska, ti endang dikumbai kami nya tulin sereta asal lalu nyadika ketegal Lawyer Bansa Abdul Gani Patail kena buai ari pengawa iya beberapa hari tu ke udah).